ಸಾವಿರ ಕನಸುಳ್ಳ ಜೋಳಿಗೆಯ ಜೋಗಿ
ಎಳೆಯುಳ್ಳ ಸೀರಿಯಲಿ ಮುಕುಟವ ಮಾಡಿ
ಕಲೆಯೆಂಬ ಪದಗಳನು ನಾಲಿಗೆಯಲಿ ಹಾಡಿ
ಬೇಡಿಹನು ಮನೆ ಮುಂದೆ ಶಿರ ಬಾಗಿ ಕೂಗಿ
ಮನೆ ಮುಂದು , ಮನ ಹಿಂದು , ಸಾಹಸದ ಕಡಲು
ಮರೆತಿರುವೆ ಸವಿಬೆಲ್ಲ ಕಾಹಿಲೆಯ ಮಡಿಲು
ಸುಖವೆಂಬ ಬೀಜವನು ಅರಸುತಿಹ ಬೆರಳು
ನಗುತಿಹುದು ಜಗವೆಲ್ಲ ಮುಸುಕೆಳೆದು ಒಡಲು
ಜೋಗಿಯ ಮಾತನ್ನು ಕೇಳು ನೀ ಮಗನೆ
ನಿನಗೊಂದು ಒಡವೆಯನು ನೀಡುವನು ಸಹನೆ
ಸಾವಿರ ವರುಷದಲಿ ಮರೆಯದಿರು ಕರುಣೆ
ಕಲ್ಪನೆಯು ಹೋಗುವುದು ಬೀಸುವುದು ಮಹಿಮೆ
