ಸಿರಿ ಗೌರಿ ಶ್ರೀಮತಿಯು ಈ ನನ್ನ ಹುಡುಗಿ,
ಅಳುತಾಳೆ ಖುಷಿಯಲ್ಲಿ ಮನ ತುಂಬಾ ಕರಗಿ ,
ಸವಿಯಾದ ಗಂಧದಲಿ ಮಾಡಿಹಳು ಬೆಡಗಿ,
ಕೇಳಿಹಳು ತವರಿನ ಮನೆಯಲ್ಲಿ ಮಲಗಿ ..
ಜೀವನದ ದಾರಿಯಲಿ ಮಗುವಂತೆ ನಗಿಸು,
ಮನಸಿನ ಕೋಣೆಯಲಿ ಬೆಳಕನ್ನು ಹರಿಸು,
ಚೆಲುವಾಗಿ ನನ್ನನ್ನು ಮನಸಲ್ಲಿ ಜಪಿಸು,
ಸಾವಿರ ಜನುಮದಲು ನನ್ನನ್ನೇ ವರಿಸು ..
ಸೊಗಸಾದ ಕನಸಲ್ಲಿ ಮನೆಯೊಂದು ಮಾಡಿಸು,
ಬರೆದೊಂದು ಕವಿತೆಯನು ಹಾಡನ್ನು ಹಾಡಿಸು ,
ಸುಖವೆಂಬ ತೇರನ್ನು ನನ್ನಲ್ಲಿ ಎಳೆಸು ,
ನಗುತಿಹ ಕಣ್ಣಲ್ಲಿ ಕಣ್ಣಿರ ಬರಿಸು ..
ಮಲೆನಾಡ ಬಯಲಲ್ಲಿ ಸೇತುಮೆಯ ಮನೆಗೆ,
ತಂದಿಹಳು ನವಿಲಾಗಿ ಸುಂದರದ ಮಳಿಗೆ,
ಪ್ರೀತಿಯ ನೀರನ್ನು ಹರಡಿಹಳು ನದಿಗೆ ,
ಸುಖವೆಂಬ ಗಿಡವನ್ನು ಬಿತ್ತಿಹಳು ದಡಕೆ ..
